Vritet me thikë 38-vjeçarja shqiptare në Itali, plagoset vëllai i saj

Një 38-vjeçare shqiptare është gjetur e pajetë ditën e djeshme në banesën e saj në Pavia, Itali.

Sipas mediave italiane viktima është identifikuar si Anila Ruci dhe sipas informacioneve të para, bëhet fjalë për një vrasje. 38-vjeçarja e cila kishte rreth një vit që jetonte në atë banesë, dyshohet se është goditur me thikë, ndërsa nuk dihet autori/ët.

Jashtë shtëpisë së viktimës ndodhej vëllai i saj, i cili po ashtu është plagosur me thikë dhe ndodhet në spital, jashtë rrezikut për jetën.

Zona ku ka ndodhur vrasja është e rrethuar dhe po vazhdojnë hetimet për të zbardhur ngjarjen