Vlorë, djali masakron me thikë të atin

Krimi brenda familjes ka goditur këtë herë në qytetin e Vlorës ku djali masakroi me thikë babanë e tij.

Ngjarja e rëndë ka ndodhur në banesën e familjes Baraj në lagjen “Rilindja”.

Ermal Baraj, 20 vjeç ka goditur të paktën 10 herë me thikë të atin 46-vjeçar, Shkëlqim Baraj.

46-vjeçari është shoqëruar menjëherë për në spitalin e qytetit, por si pasojë e plagëve të shumta të marra nga goditjet me thikë ka ndërruar jetë, transmeton Tch.

Sipas policisë viktima është shoqëruar në spital nga djali i tij, njëkohësisht i dyshuari kryesor për ngjarjen.
Uniformat blu njoftuan mbajtjen e tij nën kontroll deri në zbardhjen e plotë të ngjarjes së rëndë.