Vjosa ose Antoni drejtojnë grupin parlamentar të LDK-së?

Lidhja Demokratike e Kosovës në Kuvend do të jetë e përfaqësuar me 30 deputetë, ndërsa ky grup parlamentar duhet të ketë kryesuesin i cili emërohet mbase mbi bazën numrit të votave apo edhe preferencave të partisë për njeriun e caktuar.

Në legjislaturën e kaluar, kryesues i Grupit Parlamentar (GP) të LDK-së , ishte sekretari i përgjithshëm Ismet Beqiri , ndërsa këtë herë mbetet të shihet nëse i njëjti do të jetë prapë shef i GP të LDK-së, i cili gjendet në mesin e deputetëve më të votuar në këtë parti Nëse, lidhja demokratike merr për bazë emërimin e shefit të GK të saj, atëherë ky post , kjo përgjegjësi do i takojë deputetes Vjosa Osmanit e cila ka afër 40 mijë vota.

Ndërkaq, nga gjinia mashkullore, më i votuari pas liderit Isa Mustafa , është Anton Quni të cilit mbase edhe mund ti epet i përgjegjësia e GP të LDK, apo edhe shef i grupit mund edhe të mbetet prapë Ismet Beqiri, që është i pesti më i votuar në LDK. Kështu, emërimi i shefit të GK , është përgjegjësi e partisë, ndërsa nuk ka kushte për këtë post me Rregulloren e Punës së Kuvendit të Kosovës.

Kujtim Shala, anëtar i Kryesisë së LDK-së, thotë se çështja se kush do të jetë shef i GK të LDK-së në legjislaturën e re nuk është diskutuar ende. Ndërkohë, sqaron se posti i shefit rregullohet me statusin e partisë. “Nuk kemi diskutuar ende për këto punë, por sipas statutit të partisë për këto çështje vendos Këshilli i Përgjithshëm” , shprehet Shala.

Ai nuk sqaron nëse ka ndonjë kriter të caktuar për zgjedhjen e shefit të GP, sikur që nuk e konfirmon nëse kriter mund të jetë edhe numri i fituar i votave në zgjedhje. Ndërkohë, nuk dihet se kur do të mblidhet Këshilli i Përgjithshëm i LDK-së për të marrë vendime, sikur edhe atë për emërimin e shefit të GP të saj. Kujtim Shala nuk ka dhënë afat të caktuar, vetëm ka konfirmuar se Këshilli i Përgjithshëm i LDK-së do të mblidhet së shpejti, shkruan bota press.