Sipas njohësve të kësaj fushe, është e rëndë gjendja kur shikohet se si po vazhdon të mbetet i kapur shteti i Kosovës, bashkë me sistemin e drejtësisë tërësisht nga politika e inkriminuar dhe nëntoka kriminale.
“Me një analizë të thjeshtë dalin në sipërfaqe qasjet e qytetarit ndaj gjyqësorit. Numri i kallëzimeve penale është në rënie e sipër, nuk ju besohet këtyre. Qytetari problemet e veta po i zgjidhe me metoda mesjetare, me Kanun, e pleqni dhe me ndërmjetësim. Askush nuk ju beson prokurorive dhe gjykatave”, tha Preteni për Kosova Sot Online”.
Edhe pse jemi në prag të 12 vjetorit të bërjes së Kosovës shtet i pavarur, ndërtimi i shtetit të së drejtës, sundimit efikas, të pavarur dhe profesional të ligjit e të pa ndikuar nga politika, mbetet një nga dështimet kyçe të shtetit të ri të Kosovës.
Sipas njohësve të kësaj fushe, është e rëndë gjendja kur shikohet se si po vazhdon të mbetet i kapur shteti i Kosovës, bashkë me sistemin e drejtësisë tërësisht nga politika e inkriminuar dhe nëntoka kriminale.
Këtë lloj pengu në drejtësi, politika e inkriminuar e sistemuar në sistemin e drejtësisë, po e ruan, sipas njohësve të kësaj fushe, duke e shndërruar drejtësinë sikur të ishte një degë e saj e varur partiake.
Prandaj ata me të drejtë shtrojnë pyetjen se si munden qytetarët të raportojnë në hetuesi dhe prokurori për korrupsion dhe krim, kur publikisht është e ditur dhe dëshmuar që hetuesia, prokuroria dhe gjyqësori janë në shërbim të pushtetarëve të inkriminuar, dhe të gjitha rastet e paraqitura në hetuesi dhe prokurori do të mbyllen automatikisht, me urdhër të “mafiozëve” të politikës së inkriminuar.
Lidhur me këtë gjendje kaotike në sistemin e drejtësisë, për “Kosova Sot Online” ka folur njohësi i kësaj fushe, Hasan Preteni.
“Me një analizë të thjeshtë dalin në sipërfaqe qasjet e qytetarit ndaj gjyqësorit. Numri i kallëzimeve penale është në rënie e sipër, nuk ju besohet këtyre. Qytetari problemet e veta po i zgjidhe me metoda mesjetare, me Kanun, e pleqni dhe me ndërmjetësim. Askush nuk ju beson prokurorive dhe gjykatave”, tha Preteni për “Kosova Sot Online”.
Se sa shumë ka humbur besimi në drejtësinë e Kosovës të kapur e uzurpuar nga segmente të ndryshme kriminale, sipas Pretenit flet edhe trendi i periudhës kohore që shpenzohet për të zgjidhur lëndët e rasteve serioze.
”Mesatarja e zgjedhjeve të një lëndë është rreth 8 vjet, flasim për ato penale e ato civile me dekada. Drejtësia e vonuar është drejtësi e dështuar”, tha Preteni për “Kosova Sot Online”.
