Vjedhjet nëpër fshatra shqetësojnë zyrtarët komunal

Viti – Anëtarët e Ekipit për Siguri në Bashkësi thonë se kanë pranuar nga qytetarët e kësaj komune disa shqetësime që kanë të bëjnë me sigurinë në veçanti të vjedhjeve që kanë ndodhur gjatë muajit të fundit në fshatrat e ndryshme si në Ramjan, Pozheran etj.

Ekipi Veprues për Siguri në Bashkësi ka mbajtur sot mbledhjen e saj të rregullt. Gjatë këtij takimi me theks të veçantë është biseduar mbi gjendjen e sigurisë.

Anëtarët e këtij ekipi thonë se kanë pranuar nga qytetarët e kësaj komune disa shqetësime që kanë të bëjnë me sigurinë në veçanti të vjedhjeve që kanë ndodhur gjatë muajit të fundit në fshatrat e ndryshme si në Ramjan, Pozheran etj.

Emri Emerllahu, Koordinator i EVSB-së në Viti, pasi që foli mbi këto vjedhje tha se megjithatë gjendja e sigurisë në komunën e Vitisë, është e qetë dhe stabile.

Ai ndër falënderoj komunën e Vitisë dhe policinë e Kosovës që po bashkëpunojnë ngushtë me këtë ekip.

Emerllahu tha se investimet të cilat po i bënë kjo komunë në fushën e infrastrukturës po ndikojnë drejtpërdrejtë edhe në sigurinë e përgjithshme pasi që me krijimin e trotuareve, rrugëve më të mira dhe ndriçimit publik po rritët siguria e qytetarëve vitias.

Gjatë këtij takimi ai ka njoftuar anëtarët e këtij ekipi edhe mbi punën e bërë, ku ndër tjerash përmendi edhe aktivitetet e zhvilluara për nder të javës për të drejtat e viktimave të krimit.

Po ashtu gjatë këtij takimi është folur edhe mbi çështje të tjera të cilat lidhën drejtpërdrejtë me sigurinë./rajonipress/