Vjedhje veture dhe transport ilegal drush në Viti, përplasje me policinë dhe të lënduar

Viti – Një rast i vjedhjes së veturës është raportuar në fshatin Gjylekar. Sipas ankuesit, persona të panjohur kanë arritur të marrin veturën e tij me targa lokale në rrethana ende të paqarta.

Policia ka nisur hetimet për zbardhjen e rastit dhe identifikimin e të dyshuarve.

Transport ilegal drush dhe përplasje me policinë në Viti, lëndohen dy zyrtarë

Poashtu në Viti një person është ndaluar në fshatin Binq teksa transportonte dru në mënyrë të paligjshme.

I dyshuari, shtetas i Maqedonisë së Veriut, ka refuzuar urdhrat e policisë për shoqërim në zyrat përkatëse dhe gjatë tentimit për arrestim ka kundërshtuar, duke shkaktuar lëndime trupore te dy zyrtarë policorë.

Me vendim të prokurorit, ai është liruar në procedurë të rregullt, ndërsa rasti vazhdon të hetohet njoftoi policia e Kosovës./rajonipress/