Vjedhje në Viti, tentim vrasje në Gjilan

Viti – Ankuesi në Viti, mashkull kosovar ka informuar se persona të pa njohur me forcë kanë depërtuar në shtëpinë e vëllait të tij dhe kanë vjedhur dy pistoleta me leje përkatëse dhe katër fishekë. Rasti po hetohet nga ekipet relevante policore.

Kurse në Gjilan është raportuar për një shkëmbim zjarrit në mes të dy grupeve nga vetura, ku i plagosur ka mbetur një mashkull kosovar i cili është dërguar në QKUK.

Njësitet e hetuesisë kanë arritur që të identifikojnë tre persona të dyshuar meshkuj kosovarë, ku dy prej tyre janë arrestuar dhe nga ta janë konfiskuar; 7 gëzhoja të kalibrit 9mm, dy karikatorë me 18 fishekë të kalibrit 7.62 mm, celularë dhe dy vetura. Me vendim të prokurorit dy të dyshuarit pas intervistimit dërgohen në mbajtje njoftoi policia e Kosovës./rajonipress/