Vjedhje e rëndë në Gjilan, hajdutët depërtojnë në një kompani dhe vjedhin bakër

Gjilan – Një rast i vjedhjes së rëndë është raportuar në orët e para të mëngjesit të 29 marsit 2026, në rrugën “Enver Rexhepi”, ku persona të panjohur kanë depërtuar me forcë në një objekt afarist.

Sipas informacioneve zyrtare, të dyshuarit kanë hyrë brenda objektit përmes dritares, duke shfrytëzuar rrethana të paqarta sigurie, dhe nga aty kanë arritur të vjedhin fije metalike të bakrit, duke i shkaktuar dëme materiale pronarit të kompanisë.

Rasti është raportuar tek Policia e Kosovës, ndërsa me vendim të prokurorit kompetent është iniciuar si “vjedhje e rëndë” dhe po hetohet nga njësitet përkatëse.

Autoritetet janë në kërkim të të dyshuarve dhe po punojnë për zbardhjen e plotë të rastit, ndërsa qytetarëve dhe bizneseve u bëhet thirrje për rritje të masave të sigurisë njoftoi policia e Kosovës./rajonipress/