Vitia përkujton 35-vjetorin e rënies së Milaim Tahirit, homazhe në Gërmovë

Viti – Me rastin e 35-vjetorit të vrasjes së qytetarit vitias, Milaim Tahiri, sot janë zhvilluar homazhe përkujtimore pranë varrit të tij në fshatin Gërmovë të Vitisë.

Në këtë ceremoni përkujtimore mori pjesë kryetari i Komunës së Vitisë, Sokol Haliti, i shoqëruar nga bashkëpunëtorë, familjarë të martirit si dhe qytetarë të tjerë. Me këtë rast, ata vendosën kurora lulesh dhe nderuan me përulje figurën dhe sakrificën e Milaim Tahirit.

Kjo datë shënon një moment reflektimi dhe kujtese për kontributin dhe flijimin e tij, duke rikujtuar rëndësinë e ruajtjes së vlerave historike dhe të sakrificës për liri./rajonipress/