Vitia mirëpret “Miss Freedom of the World 2026”, pjesëmarrëset nga mbi 20 vende vizitojnë qytetin

Viti – Kryetari i Komunës së Vitisë, Sokol Haliti, ka mirëpritur sot pjesëmarrëset e edicionit ndërkombëtar të “Miss Freedom of the World 2026”, të cilat përfaqësojnë më shumë se 20 vende dhe kultura të ndryshme nga mbarë bota.

Gjatë takimit, Haliti u uroi mirëseardhje pjesëmarrëseve në Viti dhe Kosovë, duke vlerësuar se prania e tyre përbën një mundësi të rëndësishme për promovimin e qytetit, traditës së mikpritjes, kulturës dhe potencialeve turistike të kësaj pjese të Kosovës.

Kryetari i Vitisë theksoi rëndësinë e organizimit të aktiviteteve me karakter ndërkombëtar, të cilat, sipas tij, krijojnë hapësira për shkëmbim kulturor, njohje të ndërsjella dhe prezantimin e Kosovës para përfaqësuesve dhe vizitorëve nga vende të ndryshme të botës.

Pjesëmarrëset e “Miss Freedom of the World 2026” gjatë qëndrimit të tyre në Kosovë janë akomoduar në Hotel Gallery, ndërsa programi i aktivitetit përfshin edhe prezantimin e kulturave dhe vendeve që ato përfaqësojnë.

Finalja e edicionit ndërkombëtar të këtij konkursi pritet të mbahet më 10 shtator 2026, duke e kthyer Kosovën në qendër të vëmendjes së një aktiviteti që bashkon pjesëmarrëse nga vende dhe kultura të ndryshme./rajonipress/