Vitia me marsh vetëdijesimi shënoi muajin e kancerit të gjirit

Viti – Me qëllim të vetëdijesimit të qytetarëve të Komunës së Vitisë, në luftë kundër kancerit të gjirit me moton “Beso, mos u dorëzo, lufto për jetën”, nën organizimin e Komunës së Vitisë në bashkëpunim me Qendrën Kryesore të Mjekësisë Familjare (QKMF) në Viti, në kuadër të muajit tetor që shënohet si ”Muaji i ndërgjegjësimit kundër kancerit të gjirit” është mbajtur sot në qytetin e Vitisë marshi sensibilizues në përkrahje të grave që vuajnë nga kjo sëmundje.

Këtij marshi i ka prirë kryetari i komunës së Vitisë, Sokol Haliti me bashkëpunëtor, drejtoresha e QKMF-së, Dr. Vjollca Kadolli- Halili, personeli mjekësor vitias por edhe qytetarë të kësaj komune.

Gjithashtu marshit iu bashkuan edhe dy deputetet e Parlamentit të Kosovës, Marigona Geci dhe Lirije Kajtazi, si dhe personalitete të kulturës, artit, arsimit dhe personalitete tjera të shquara të komunës sonë. Përndryshe me parë me përkrahjen vullnetare të Dr. Nazim Dautit-Radiolog vitias është bërë edhe ultrazëri falas për 26 femra të kësaj komune./rajonipress/

Shpërndaje.
© RAJONIPRESS