Vitia dëshiron të avancojë barazinë gjinore

Gjilan – Anëtarët e Komitetit për Politik e Financa, kanë mbajtur mbledhjen e tretë të rregullt ku është diskutuar rreth rregullores për barazi gjinore. Përkundër kundërshtimeve rreth përfaqësimit të femrës në jetën institucionale KPF e ka rekomanduar rregulloren për në Kuvendin Komunal.

Anëtarët e Komitetit për Politikë dhe Financa (KPF) në komunën e Vitisë kanë debatuar për dy çështje të rëndësishme që lidhen me rregulloren dhe propozimet e reja për barazi gjinore, si dhe propozim vendimi për ndarjen e banesave dhe për themelimin e ndërmarrjes publike komunale.

Anëtarët e KPF-së kanë dhënë disa vërejtje, me theks të veçante tek përfaqësimi i femrës në jetën institucionale ku sipas kësaj rregulloreje kërkohet përfaqësimi në 40 % kurse në bazë të ligjit duhet të jetë 30 %.

Përkundër kundërshtimeve rreth kësaj rregulloreje megjithatë kjo pikë ka marrë miratimin për tu proceduar në Kuvend, sikur edhe pikat tjera që ishin paraparë nga ky takim./rajonipress/