Vinca: Anëtarët e ASHAK-ut, shumica janë shurdhmemec e të tredhur

Profesori dhe letrari Agim Vinca, ka dhënë disa vlerësime në lidhje me Akademinë e Shkencave dhe Arteve të Kosovës, ku thotë se pjesa dërrmuese e anëtarëve të ASHAK-ut kanë vepër të përfillshme shkencore ose edhe letrare e artistike.

Në një intervistë për “Epokën e re” profesor Vinca ka thënë se shumica syresh janë intelektualisht të tredhur, të shurdhër e memecë (jo rastësisht organet serbe në ndërtesën e vjetër të ASHAK-ut vendosën Shoqatën e Shurdhmemecëve!), pa dije e guxim intelektual dhe pa kredibilitet moral.

“Në ASHAK mbizotërojnë njerëzit që në periudhën e autonomisë kanë qenë jo vetëm anëtarë të devotshëm të Lidhjes së Komunistëve, por edhe plotësisht luajalë ndaj sistemit jugosllav; njerëz që shënonin me konferenca shkencore e botime të posaçme përvjetorët e ‘shokut Tito’, kurse pas vitit 1990 u shndërruan në anëtarë jo vetëm të devotshëm, por edhe fanatikë të Lidhjes Demokratike të Kosovës”, ka thënë Vinca.

Vinca, kur është pyetur se cilat janë arsyet që ai ende nuk është pranuar në Akademinë e Shkencave dhe Arteve, ai ka thënë se janë: xhelozia, frika nga qëndrimi i drejtpërdrejtë e jokonformist, në të vërtetë nga integriteti moral e intelektual, por edhe “mëkatet” e natyrës politike, intelektuale dhe shkencore në përgjithësi, arsyet qe ai ende s’është pjesë e akademisë.