Vijnë Rexhepi e Hetemaj

Ilir Azemi solli lajmin e keq të enjten kur ia bëri të ditur përzgjedhësit Albert Bunjaku se nuk do të jetë i gatshëm për miqësoret e Kosovës me Turqinë e Senegalin. Mirëpo, përzgjedhësi Albert Bunjaku, menjëherë ka gjetur zëvendësuesin e tij.

Është Dardan Rexhepi, sulmuesi i Brommapojkarnas së Suedisë, i cili në tetë ndeshjet e para të këtij edicioni ka shënuar tri gola.
“Natyrisht, Ilir Azemi është i pa zëvendësuar duke kuptuar formën që ai kalon, por sigurisht do jetë mundësi të i japim hapësirë një sulmuesi të ri që tani është i gatshëm”, tha Bunjaku për Arenën, duke konfirmuar ardhjen e Dardan Rexhepit. “Po Dardani do të na bashkangjitet menjëherë pas lojës me datën 19 maj”.

Rexhepi më parë ka luajtur edhe me Malmon, kurse ka qenë pjesë e kategorive të reja të Përfaqësueseve të Suedisë. Ai tani është 22-vjeçar…(Tribuna – Arena).