Veton Nevzadi caktohet drejtor në kulturë

Gjilan – Pas diskutimeve në PDK, me koncenzus të plotë është pranuar kandidatura ime për drejtorin e drejtorisë për kulturë,rini e sporte e që është Veton Nevzadi tha Qemajl Mustafa.

Mustafa tha se arsyeja e vendosjes së tij për drejtor është angazhimi i tij i mirëfilltë për vite të tëra në zyrën e tij e që ka rezultuar me ndërtimin e relacioneve të mira me tërë komunitetin e komunës,pra edhe me sportin,kulturën dhe rininë.

Mustafa tha se ky vendim ka ardhë pas diskutimeve brenda PDK-së dhe ka pasur një koncenzues të plotë sa i përket kandidaturës së Nevzadit.”E kam besimin e plotë që Veton Nevzadi do të bëjë konsolidimin e drejtoratit ne ruajtjen dhe avancimin e vlerave në sportin,kulturën dhe rininë e komunës” u shpreh kreu i komunës.

Ai tha se Nevzadi do ta ketë përkrahjen e plotë të tij dhe të Kuvendit komunal. Mustafa tha se PSD-ja e cila e ka patur këtë pozicion do të kompensohet diku tjetër në arsim,shëndetësi e administratë të komunës me ndonjë pozitë tjetër tha Mustafa.

Veton Nevzadi ndërkaq tha për rajonipress se këtë pozitë e sheh më tepër si përgjegjësi dhe sfidë që gjërat t`i ndryshojë për të mirë.”Do të mundohem që me përkushtimin dhe seriozitetin tim të krijojë raporte të mira në drejtorinë e kulturës dhe të sjellë risi e freski edhe në menaxhimin e saj” tha Nevzadi.

Ai tha se është i vetëdijshëm për pozitën e rëndë që ka ky sektor,por shpresoj që bashkërisht me të gjithë partnerët që e përbëjnë këtë sektor ta ruajmë dhe kultivojmë më të mirën e mundshme për qytetin e Gjilanit tha Nevzadi.

Ndryshe brenda dhe jashtë kampit të PSD-së ka pasur reagime nga më të ndryshmet. Madje është përfolur që enkas për këtë çështje,pra për të qetësuar gjakrat të premten në Gjilan pritet të vij edhe Agim Çeku ./rajonipress.