Vetëvendosje për, të tjerat kundër Isës

Përveç lëvizjes Vetëvendosje, asnjëra nga partitë politike në Kosovë nuk e kanë mbështetur idenë e liderit të LDK-së, Isa Mustafa për mbajtjen e zgjedhjeve të parakohshme parlamentare dhe presidenciale.

Për partitë tjera zgjedhjet nuk janë në agjendë, ndërsa disa nga analistët politikë kërkojnë qeverisje teknike deri në zgjedhjet e reja sipas mandatit të parashikuar.

Pavarësisht këtyre qëndrimeve, ideja e kryetarit të Lidhjes Demokratike të Kosovës, Isa Mustafa se Kosova ka nevojë për zgjedhje të reja dhe se arnimi i qeverisë me koalicionin PDK-AAK, nuk do të ofrojë zgjidhje, ka ngjallë debat brenda spektrit politik kosovar, shkruan “Zëri”.

“AAK nuk po bën mirë që po i bashkëngjitet PDK-së. Zgjidhja e vetme për të dalë nga kjo situatë e krijuar është mbajtja e zgjedhjeve. Kosova nuk ka nevojë për një qeveri të arnuar ”, ka deklaruar dy ditë më parë lideri i LDK-së, Mustafa. Kjo kërkesë e liderit të opozitës ka ardhur pa përpjekjeve të dy liderëve, Hashim Thaçi dhe Ramush Haradinaj, për të funksionalizuar UÇK-Qeverinë.

Kundër kësaj ideja është deklaruar subjekti më i madh parlamentar, Partia Demokratike e Kosovës. Nait Hasani, anëtar i Kryesisë së kësaj partie, ka thënë se në Kosovë nuk do të ketë zgjedhje të parakohshme. “Së pari në Kosovë nuk do të ketë zgjedhje të parakohshme.

Shpërndaje.
© RAJONIPRESS