Vetëvendosje mes parimeve dhe bashkëqeverisjes

Marrëveshja e arritur mes LAN-it dhe Lëvizjes Vetëvendosje ka befasuar shumëkënd. Kjo për faktin se kjo e fundit ka qenë subjekti më i zëshëm kundër dialogut me Serbinë dhe procesin e privatizimit. E pikërisht këto dy pika qeveria e ardhshme duhet t’i vazhdojë me sugjerim të një pjese të faktorit ndërkombëtar.

Mirëpo, këtu nuk ndalen hamendësimet për këtë marrëveshje, pasi që pjesë përbërëse e bllokut paszgjedhor do të jetë edhe Lista Serbe, listë me të cilën kohë më parë partia e Albin Kurtit pati thënë që nuk do të bashkëqeveriste në asnjë rrethanë.

Analistët politikë në vend vlerësojnë se kjo marrëveshje ka treguar se Vetëvendosje ka shkelur mbi parimet e saj. Shpend Kursani në një prononcim dhënë gazetës Tribuna, ka thënë se në rast se subjekti i Albin Kurtit do t’i mbajë ato pak parime që i kanë mbetur, nuk do të mund t’i qëndrojë gjatë bashkëjetesës jo vetëm me Listën Serbe por edhe me LAN-in.

“Më duket se bashkëngjitja e Vetëvendosjes në këtë koalicion në përgjithësi duket se është më shumë për inate personale kundrejt PDK-së dhe Hashim Thaçit sesa për ndonjë parim”, ka thënë Kursani. Për të, Vetëvendosje nuk ka arritur ta arsyetojë inkuadrimin e vet në këtë koalicion dhe se nuk ka arritur t’i përgjigjet një pyetjeje që, sipas Kursanit, ka shumë rëndësi…(Tribuna).