Vetëvendosje kërkon shkarkimin e Qemajl Mustafës

Gjilan – Është për keqardhje që Komuna e Gjilanit udhëhiqet nga një njeri që është në konflikt me ligjin. Gjilani nuk e meriton një udhëheqës kaq skandaloz ka thënë Ismajl Kurteshi.

Drejtues të Vetëvendosjes në Gjilan edhe njëherë kanë kërkuar shkarkimin e Qemajl Mustafës. Ismajl Kurteshi kryetar ka thënë se është për keqardhje që komuna e Gjilanit udhëhiqet nga një njeri që është në konflikt me ligjin.”Gjilani nuk e meriton një udhëheqës kaq skandaloz. Shpallja fajtor e kryetarit të komunës dhe dënimi i tij nga ana e Gjykatës për shkak të konfliktit të interesit dëshmon arsyeshmërin e kërkesës së VV për dorëheqjen e tij ka thënë Kurteshi.

Kurteshi tha se kërkesa e tyre po bëhet për faktin se kryetari po bënë skandale të njëpasnjëshme dhe kjo ishte arsyeja që kemi kërkuar nga këshilltarët komunal inicimin e shkarkimit jo vetëm për këtë rast, por edhe për shkeljet e tjera ligjore si dhe keqpërdorimin e buxhetit të komunës ka shtuar Kurteshi.

Kurteshi ka folur edhe për shkeljet tjera siç ka thënë ai tek partneriteti publiko privat me rastin e “Higjienës”. Kurteshi ka përmendur emra konkret në privatizimin e “Higjienës” duke filluar nga Veton Nevzadi,Riad Rashiti,Fadil Osmani. Kurteshi ndërkaq e ka përkrahur angazhimin e komunës në lidhje me kërkesën e AKP-së që në të ardhmen mos i privatizojë objektet të cilat janë të nevojshme për institucionet komunale.

Edhe, Avni Rudaku ka thënë se kryetari Qemajl Mustafa më shumë është biznesmen sesa politikan.”Ai duhet të japi vet dorëheqje ose të shkarkohet sepse ai po i favorizon anëtarët e tij në biznes” tha Rudaku./rajonipress/