Vetëm dy raste aktive në komunën e Vitisë

Viti – Këshilli Komunal për Mbrojtje dhe Shpëtim, në mbledhjen e sotme ka analizuar gjendjen aktuale me pandeminë në komunën e Vitisë, ku është cilësuar situate stabile dhe rënie të numrit të të infektuarve.

Duke ju referuar raportit të fundit nga QKMF, kryetari i komunës Sokol Haliti, tha se momentalisht në komunën e Vitisë janë vetëm dy raste aktive.

Në këtë mbledhje u kërkua që të zbatohen masat që ende janë në fuqi dhe të ruhet ky trend i normalizimit, në mënyrë që në komunën e Vitisë të jetë zero numri i të infektuarve./rajonipress/