Veseli nga Ferizaji: PDK-ja është e vetmja që prioritet e ka luftimin e korrupsionit dhe nepotizmit

Lideri i PDK-së, Kadri Veseli, ka thënë se njerëzit e dëshmuar të PDK-së i kanë marrë vendimet më të mëdha për shtetin dhe qytetarët, si dhe i kanë udhëhequr proceset më të rëndësishme për popullin dhe vendin tonë.

Ai ka thënë se PDK-ja tash është partia e vetme që prioritet e ka sfidën më të madhe të shtetit: luftimin e korrupsionit dhe nepotizmit.

“Ferizaji vazhdon rrugëtimin me Partinë Demokratike të Kosovës. Njerëzit e dëshmuar të PDK-së i kanë marrë vendimet më të mëdha për shtetin dhe qytetarët, si dhe i kanë udhëhequr proceset më të rëndësishme për popullin dhe vendin tonë.
Partia Demokratike e Kosovës i ka ndërtuar autostradat më moderne në rajon, kurse tash po e rimëkëmbim bujqësinë, shëndetësinë dhe po e forcojmë drejtësinë. Po ashtu, po i mbështesim edhe të rinjtë dhe inovatorët për të qëndruar në Kosovë, bashkë me ne, që ta ndërtojmë të ardhmen.

Ne jemi e vetmja parti që prioritet e ka sfidën më të madhe të shtetit: luftimin e korrupsionit dhe nepotizmit. Ne marrim përgjegjësi dhe ia dalim. Shpërndajeni!”, ka shkruar ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).