Veseli: Kosova, i vetmi vend në rajon që shënon përparim në demokraci

Kryetari i Partisë Demokratike të Kosovës, Kadri Veseli, ka shkruar në “Facebook” rreth raportit të sivjetshëm “Freedom House”

Veseli ka thënë se ky raport ka sjellë një lajm të mirë për vendin tonë, kështu duke lehtësuar sadopak zymtësinë e kësaj periudhe të pandemisë, transmeton “Zëri.info”.

“Raporti i sivjetshëm i organizatës me renome ‘Freedom House’, i titulluar ‘Vendet në tranzicion’, solli një lajm të mirë për Kosovën, gjë që lehtëson sadopak zymtësinë e kësaj periudhe të pandemisë”, ka shkruar Veseli.

Ai gjithashtu ka theksuar se Ballkani Perëndimor ka pësuar përkeqësim në raport me demokracinë, ndërsa Kosova raportohet si i vetmi vend në rajonin e që për të pestin vit radhazi ka shënuar përparim të ndjeshëm, theksoi ai.

“Ndërkohë që rajoni i Ballkanit Perëndimor ka pësuar një përkeqësim për sa i përket demokracisë, Kosova raportohet si i vetmi vend në rajonin e që për të pestin vit radhazi ka shënuar përparim të ndjeshëm. Kosova i ka sivjet 3.18 pikë, duke e krahasuar me 3.11 pikë që ka pasur vitin e kaluar”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).