Veseli fton elitën politike të heqë dorë nga dhuna

Kryetari i Kuvendit të Kosovës, Kadri Veseli ka përkujtuar ditën ndërkombëtare kundër dhunës. Veseli ka shprehur se në këtë ditë të gjithë angazhohen nëpër botë që të përhapin mesazhin e jodhunës. Veseli ka bërë thirrje ndaj përfaqësuesëve të politikës që të heqin dorë nga dhuna e mosmarrëveshjet t’i zgjidhin me tolerancë e dialog.

“2 Tetori njihet si Dita Ndërkombëtare Kundër Dhunës, në nder të ditëlindjes së Mahatma Gandit, predikuesit më të njohur të paqes e të jodhunës. Në këtë ditë, të gjithë angazhohen nëpër botë që të përhapin mesazhin e jodhunës! Zhvillimet politike të vitit të kaluar në Kosovë e bëjnë të nevojshëm këtë mesazh edhe tek ne. Prandaj elita jonë politike duhet të mësohet që zgjidhjen e mosmarrëveshjeve politike apo mospërputhjeve të ideve, ta bëj nëpërmjet dialogut e tolerancës e kurrsesi jo nëpërmjet dhunës. K.V. “ ka shkruar Veseli.