Veprimtarja Majlinda Sulejmani nga Diaspora, viziton Ministrinë e Kulturës, Rinisë dhe Sportit

Politikania e re dhe me perspektivë shqiptare në Diasporë, Majlinda Sulejmani, me origjinë nga Malësia e Bujanocit, e cila aktualisht vepron në Zvicër, vizitoi Ministrinë e Kulturës, Rinisë dhe Sportit në Prishtinë, ku pati kënaqësinë të takoj një zyrtaren Erodita Qorrkadiu – Haxhiun.

Gjatë këtij takimi miqësor znj. Majlinda e njoftoi përfaqësuesen e Ministrisë së Kulturës lidhur me aktivitetet e saja në diasporë dhe lidhjet shpirtërore dhe fizike me vendlindjen, qoftë në Kosovë, por edhe në Luginë të Preshevës.

Zyrtarja Erodita, gjatë këtij takimi tha midis tjerash se “Diaspora shqiptare, ka qenë dhe mbetet dora shpëtimtare për Atdheun dhe vendlindjen”. Ajo, gjithashtu, shtoi se gjeneratat e viteve të 70-ta e këndej, më tepër kanë qenë punëtorë të krahut, por tani gjeneratat e reja ndryshuan botën.

Zyrtarja Erodita, në fund falënderoi për vizitën e znj. Majlinda, duke u shprehur se është krenare me sukseset e saj dhe një nderë e kënaqësi për bashkëpunim të mëtejmë”, njofton Jetapress.