Vendimi, për emërtimin e stadiumit të qytetit, me dy emra, e zyrtarizon rivalitetin futbollistik

Gjilan – Dy klubet futbollistike, Drita dhe Gjilani, dhe tifozëritë e mëdha të tyre, “Intelektualët” dhe “Skifterat”, asnjëherë, nuk duhet të pranojnë që, emri i shtëpisë së tyre, Stadiumit të vetëm, në Gjilan, t`i përcaktohet, nga dikush tjetër, kushdo qoftë ai subjekt (institucion apo parti politike), thotë profesori universitar Flamur Hyseni.

Flamur Hyseni thotë se Gjilani, i njohur si qytet i tolerancës, kulturës dhe sidomos sportit, e veçanërisht futbollit, tanimë ka një traditë për kulturë sportive, e dëshmuar për tifozëri, e cila mbanë primatin në nivel vendi, dhe është konkurrente serioze në rajon.

”Dy klubet futbollistike, Drita dhe Gjilani, dhe tifozëritë e mëdha të tyre, “Intelektualët” dhe “Skifterat”, asnjëherë, nuk duhet të pranojnë që, emri i shtëpisë së tyre, Stadiumit të vetëm, në Gjilan, t`i përcaktohet, nga dikush tjetër, kushdo qoftë ai subjekt (institucion apo parti politike). Vendimmarrja politike, është formalitet, për t`i dhënë kërkesës rëndësi dhe zyrtarizim, por jo t`i paraprijë pakënaqësive, pas marrjes së vendimit, të cilat, pastaj shkaktojnë kontestim dhe refuzim, për të respektu vendimin institucional” thotë ai.

Sipas Hysenit, zgjidhja, më e mirë dhe e pranueshme, për klubet, tifozët dhe gjithë sportdashësit/futbolldashësit, është: dy emra, për stadiumin, sipas propozimeve të dy klubeve. Kjo, do ta ruante traditën e krijuar me shumë mund, nga shumë gjenerata tifozërie.

”Vendimi, për emërtimin e stadiumit të qytetit, me dy emra, e zyrtarizon rivalitetin futbollistik, që shumë kush e dëshiron” thotë Flamur Hyseni./rajonipress/