Vendimi i Supremes, përcaktues për votat e diasporës

Lëvizja Vetëvendosje të martën ka dërguar në Gjykatë Supreme vendimin e PZAP-it, i cili kishte vendosur të mos i numërojë rreth 5 mijë vota të ardhura nga diaspora. Në anën tjetër PZAP-i ka arsyetuar vendimin e tyre duke thënë se këto fletëvotime s’janë të vlefshme, pasi kanë arritur në Kosovë jashtë afatit ligjor, shkruan sot Gazeta “Zëri”.

Lëvizja Vetëvendosje dje ka dërguar në Gjykatë Supreme vendimin e Panelit Zgjedhor për Ankesa dhe Parashtresa (PZAP), i cili kishte vendosur të mos numërohen rreth 5 mijë vota të diasporës të arritura në Kosovë pas datës 6 tetor.

Përfaqësues të LVV-së duke folur për gazetën “Zëri” kanë thënë se besojnë që Gjykata Supreme do të vendosë pro kërkesës së tyre që të mos u mohohet e drejta e votës bashkatdhetarëve, shkruan më tutje Gazeta “Zëri”.

Në anën tjetër gjatë ditës së djeshme PZAP-i ka arsyetuar vendimin që mori të hënën, duke e cilësuar si të pabazë kërkesën e LVV-së, pasi kontestuese mbetet vlefshmëria e pakove, sepse ato kanë arritur në vend jashtë afatit ligjor.

Ndërkohë, njohësit e çështjeve kushtetuese për “Zërin” kanë thënë se brenda 72 orëve Gjykata Supreme do të vendosë nëse do të numërohen këto fletëvotime ose