Vendimet e gjykatave kanë dëmtuar buxhetin e Vitisë

Gjilan – Drejtori për Financa dhe Zhvillim Ekonomik Islam Jashari, duke paraqitur pasqyrën financiare të buxhetit për vitin 2012, tha se buxheti i planifikuar ka qenë 8 milion e 065 mijë euro, ndërsa në dispozicion kanë qenë 8 milion 218 mijë euro. “Është shënuar rritje në ekzekutimin e buxhetit për 1% krahasuar me vitin e shkuar” ka thënë Jashari.

Në mbledhjen e Bordit të Drejtorëve është shqyrtuar pasqyra financiare e buxhetit komunal për periudhën janar – dhjetor 2012, bilanci i gjendjes për vitin e kaluar si dhe është shqyrtuar propozim vendimi për formimin e komisionit për të udhëhequr dhe koordinuar punën në zgjedhjen e këshillave lokale.

Drejtori për Financa dhe Zhvillim Ekonomik Islam Jashari, duke paraqitur pasqyrën financiare të buxhetit për vitin 2012, tha se buxheti i planifikuar ka qenë 8 milion e 065 mijë euro, ndërsa në dispozicion kanë qenë 8 milion 218 mijë euro. “Është shënuar rritje në ekzekutimin e buxhetit për 1% krahasuar me vitin e shkuar” ka thënë Jashari.

Sa i përket shpenzimeve, është shënuar një rritje ngase janë bartur shumë borxhe të vitit 2011. “Këtu hyjnë edhe shpenzimet që janë bërë me vendimin e gjykatës ku janë paguar kompani dhe punëtor të larguar nga puna e që gjykata ka vlerësuar se janë bërë shkelje”.

Islami ka njoftuar se sa i përket shkallës së ekzekutimit të buxhetit nga ana e drejtorive, ajo arrin rreth 99.60 %, kurse të hyrat janë realizuar 95.92 %. “Gjatë vitit 2012 investimet e përgjithshme në komunën e Vitisë janë 1 milion e 791.600 euro, ndërsa në bashkëfinancim me donatorët janë bërë 1.096.501 euro. Krahasuar me vitin paraprakë, shpenzimet janë më të vogla për 8.902 euro, ndërsa për derivate 5.549 litra më pak ka thënë ai.

Bordi i drejtorëve ka proceduar për KPF propozim vendimin për formimin e komisionit nga Kuvendi për të udhëhequr dhe koordinuar punën në zgjedhjen e këshillave lokale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).