“Vende të lira të punës, bursa, aksione vullnetare…”

Zyra për të Rinj në Preshevë në kuadër të qendrës informuese ka krijuar edhe “Bazën e të rinjve” në të cilën mund të regjistrohen të rinjtë e kësaj komune për të qenë të informuar për ngjarje të ndryshme.

Sipas njoftimit të kësaj zyre dërguar Titullit, bëhet fjalë për një bazë elektronike ku të rinjtë e Komunës së Preshevës, pas regjistrimit elektronikë që do të bëjnë, do të njoftohen për ngjarje të ndryshme, si në fushën e punësimi, arsimit dhe bursave, ngjarjeve kulturore, aksioneve vullnetare etj.

Kjo zyre regjistrimin e ka bërë shumë të lehtë, duke krijuar një bazë elektronike të quajtur “Baza e të rinjve” ku rinia mund të regjistrohet duke shënuar të dhënat personale, dhe kështu në mënyrë automatike do ti pranojë informacionet e fundit nga fushat e lartpërmendura.