Vehbi Salihu i bashkohet AKR-së në Gjilan

Gjilan – Vehbi Salihu njëri nga themeluesit e LDK-së dhe më vonë edhe të LDD-së, inxhinier i dalluar, njeri me kredibilitet të lart profesionale nga e mërkura i është bashkuar degës së AKR-së në Gjilan. Edhe një personalitet i mirënjohur i skenës politike gjilanase, inxhinieri i mirënjohur Vehbi Salihu ju bashku AKR-së tha Nuhi Nuhiu.

Prandaj dega e AKR-së në Gjilan është e hapur për çdo intelektual dhe individ i dalluar tha nënkryetari i AKR-së Nuhi Nuhiu.

Me ardhjen e zotëri Salihut ne si degë jemi edhe më të pasur, dhe më me peshë në skenën politike, kualitet të duhur. Vehbi Salihu me profesionalizmin dhe me atributet që i ka, si njëri ndër kuadrot e para si inxhinier, do të kontribuojë me të madhe në investimet që do të udhëhiqen nga qeveria e ardhshme komunale, që besojë se në mandatin e ardhshëm qeverisës në si AKR, qytetarëve do t’ iu ofrojmë alternativë konkurruese të gjitha partive politike, me kuadro profesionale dhe kurrë të dështuara.

Pra, zinxhirit të të mirës sot iu bashkua edhe z.Vehbi Salihu. Ditën në vijim do të kemi edhe ardhje të reja, si nga gjinia, mosha e profesionet. Ky është vetëm fillimi për profesionalizëm tha Nuhi Nuhiu nënkryetar i degës së AKR-së në Gjilan./rajonipress/