Vdiq duke mos e marr ndihmën e shtetit

Shaha K. ka humbur të bijën 20 vjeçare para dy muajsh. Vajza e saj A.K. kishte vdekur nga sëmundja e leukemisë akute.Por Shaha është e bindur se po t’ kishte edhe pak para, nuk do të vinte deri tek kjo.

Atyre nuk u kishim mjaftuar 20 mijë euro që kishin shpenzuar për kurimin e së vijës. Tërë këto mjete ishin grumbulluar në forma të ndryshme pasi që familja e vajzës tashmë të ndjerë kishte vetëm 200 euro të hyra mujore, nga rroga e kryefamiljarit.

Asnjë cent nuk kishte arritur ta siguronte nga shteti, dhe krahas dhimbjes vazhdon ta brejë fakti se vdekja e së bijës ishte rezultat i mungesës së parave.

“Kërkuam ndihmë në Ministri për ta dërguar jashtë vendit për shërim por nuk morëm asnjë përgjigje”, tha ajo për Kohën Ditore.

Megjithëse zyrtar nga Ministria e Shëndetësisë thonë se raste të tilla kur të rinjët sëmuren nga leukemia, janë dërguar për shërim jashtë vendit.