Vdiq dhe u varros drejtori i QPS Naser Vokshi

Ka vdekur pas një sëmundje të gjatë dhe të rëndë, Naser Vokshi, drejtor i Qendrës për Punë Sociale në Kamenicë.

Naser Vokshi është zgjedhur përmes konkursit drejtor i QPS-së në vitin 2008 ndërsa deri në atë kohë ka kryer detyra të tjera në kuadër të kësaj qendre.

Përveç punës së tij prej juristi, Naser Vokshi është marrë edhe me aktivitete të rëndësishme para dhe gjatë luftës, duke qenë njëri nga aktivistët e çështjes kombëtare.

Ai vdiq në moshën 52 vjeqare, pasi që dy herë më parë ishte operuar nga problemet që kishte në lukth dhe me sëmundjen e diabetit. Naser Vokshi është varrosur sot në Berivojcë, ndërsa në varrimin e tij morën pjesë numër i madh i qytetarëve.

Drejtori Naser Vokshi është vlerësuar lartë për urtësinë dhe punën e tij nga stafi i QPS dhe nga të gjitha autoritetet komunale. Naser Vokshi ka lënë pas vetes gruan, pesë fëmijë dhe prindërit njofton radiopremiera./rajonipress/