Vdes përkrahësi i Vetëvendosjes në Viti
RajoniPress
20:10, 19 Janar, 2013
Gjilan – Sot, më 19 janar, gjatë debatit në tribunën e Lëvizjes Vetëvendosje të mbajtur në Viti, teksa fliste pasi që e kishte marrë fjalën, Shyqri Sylejmani, pjesëmarrës në tribunë, njëherësh përkrahës i Lëvizjes Vetëvendosje, pësoi një sulm kardiak dhe ndërroi jetë, njofton Lëvizja Vetëvendosje.
I ndjeri ishte punëtor shumëvjeçar i arsimit në komunën e Vitisë dhe më herët edhe drejtor i shkollës fillore “Nazmi Pajaziti” në fshatin Radivojcë.
Pas këtij rasti tragjik, Lëvizja Vetëvendosje! anuloi të gjitha aktivitetet e saj, të planifikuara për sot.
Me këtë rast shprehim ngushëllimet tona më të thella, familjes, kolegëve dhe miqve të të ndjerit./rajonipress/
