Vdes në spital gruaja 45 vjeç e masakroi i shoqi në sy 2 të fëmijëve

Një grua 45-vjeçare ka ndërruar jetë sot në spital pas dhunës që ka ushtruar mbi të i shoqi rreth dy ditë më parë.Mësohet se goditjet e marra në kokë nga sende të forta kanë qenë të parikuperueshme për Lumturi Selimaj, e cila humbi jetën në duart e mjekëve ditën e sotme në spitalin rajonal të Vlorës.

Ngjarja e rëndë u shënua në orët e para të mëngjesit të së enjtes në fshatin Alikokë. Gjithçka ka nisur në orët e para të mëngjesit të sotëm Gëzim Selimi, vjeç 49 ka nisë të debatojë me bashkëshorten e tij. Debatet mes bashkëshortëve kanë nisur me fyerje në drejtim të njëri-tjetrit ndërkohë që gjithçka ka degjeneruar më pas në dhunë fizike nga ana e 49 vjeçarit në drejtim të bashkëshortes së tij me inicialet L.Selimaj.

2 fëmijët e çiftit një djalë dhe një vajzë 11 dhe 15 vjeç pasi kanë dëgjuar debatin janë zgjuar dhe munduar të qetësojnë prindërit e tyre, por kjo gjë e ka acaruar akoma më shumë Gezimin. Ai ka marrë një vare me të cilën copëtonte gurët dhe ka goditur me të, gruan e tij, Lumturien, 45 vjeçe duke i shkaktuar dëmtime në të gjithë trupin. Goditjet në kokë kanë qenë ato që i kanë shkaktuar dëmtimet më të mëdha gruas duke e çuar në gjendje kome.

Kur ka parë bashkëshorten të mbuluar në gjak,ai ka lajmëruar policinë duke e njoftuar për krimin e kryer duke menduar se ajo kishte vdekur. Efektivët e policisë kanë parë që 45 vjeçaria jepte ende shënja jete ndërkohë që e kanë transportuar menjëherë për në spitalin e Vlorës. Sipas mjekëve gjendja e saj u raportua tepër e rëndë si pasojë e frakturave të shumta në trup.

Për shkak të plagëve të shumta Lumturie Selimi humbi jetën sot, ndërsa burri i dyshuari kryesor për vrasjen e së shoqes, ndodhet në pranga për akuzën e “Vrasje me dashje” e mbetur në tentativë.

Tragjedia e familjes Selimi vijon më tej. Dy fëmijët e mitur të ciftit kanë mbetur jetime, pasi sot humbën nënën e tyre, ndërsa babai do të përballet me akuza që i rrezikojnë 2 dekada burg.