Vdes në burgun e Vranjës Reshat Bajrami nga Tërnoci

Bujanoc – Siç raporton BujanociNet, mbrëmë ka ndërruar jetë Reshat Bajrami, i cili u arrestuar në aksionin e policisë lidhur me rastin e policit serb, i cili humbi jetën në hyrje të fshatit Tërnoc të Bujanocit më 22 tetor.Rrethanat e vdekjes së Reshatit akoma nuk janë bërë të ditura. Lajmin për vdekjen e tij BuajnocNet ia ka konfirmuar një i afërm i familjes së tij.

Reshat Bajrami ishte arrestuar më 22 tetor në aksionin e policisë pas rastit të policit serb, i cili kishte humbur jetën në një aksident trafiku në hyrje të fshatit Tërrnoc, që u cilësua nga policia si vrasje e qëllimshme e tij.

Ky është shqiptari i dytë, i cili brenda 2 vjetëve vdes në burgjet e Serbisë. Më 31 dhjetor të vitit 2011 në burgun famëkeq të Beogradit, në ora 10 e 30 minuta, kishte vdekur Sabedin Ajdini, po ashtu nga Tërnoci i Bujanocit. Ndërsa mbrëmë më 20 nëntor 2013, në burgun e Vranjës, ka ndërruar jetë Reshat Bajrami.