Vdekje e dyshimtë në Kllokot, ndërron jetë një paciente në spital

Kllokot – Një rast i vdekjes së dyshimtë është raportuar pasditen e 1 majit në Banjën “Nëna Naile” në Kllokot, ku një paciente ka ndërruar jetë në rrethana ende të paqarta.

Sipas informacioneve fillestare, një mjek ka njoftuar se viktima femër është gjetur pa shenja jete në dhomën e spitalit. Njësitë relevante policore kanë dalë menjëherë në vendin e ngjarjes për të kryer ekzaminimet e nevojshme, ndërsa me urdhër të prokurorit, trupi i pajetë i është liruar familjarëve për procedurat mortore.

Rasti mbetet nën trajtim për sqarimin e plotë të rrethanave njoftoi policia e Kosovës./rajonipress/