Vazhdon aksioni për pastrimin e deponive të egra në Kamenicë e fshatra

Kamenicë – Po vazhdon e aksioni i Drejtorisë për Mbrojtje dhe Shpëtim, për pastrimin e mbeturinave nga deponit e egra në komunën e Kamenicës. Pos, pastrimit të deponive të egra në fshatra ndryshme, njëherit po bëhet edhe rrafshimi i rrugëve aty ku ka nevojë.

Sipas zyrtarit të kësaj drejtorie, Ramadan Berisha, pastrimet nuk kanë mund të realizohen më parë, për shkak se ngarkuesi i komunës teknikisht nuk ishte në gjendje të rregullt.“Me aftësimin e ngarkuesit këtyre ditëve nga ana e komunës, vazhdimisht jemi në terren. Me problemin e mbeturinave ballafaqohet edhe komuna jonë. Zakonisht ato hidhen pranë rrugëve dhe shtretërve të lumenjve. Pos shëmtisë që po e krijojnë ato, njëherit paraqesin rrezik për shëndetin e qytetarëve. Ato, janë bërë vende në të cilat grumbullohen qentë endacak” ka thënë Berisha.

Sipas tij tashmë janë pastruar disa deponi të egra në këto fshatra: Dajkoc, Shipashnicë e Poshtme, Vriçec, rruga e Desivojcës, Kranidell, dhe rrafshimi i rrugës për në lagjen e Selishtëve, ndërsa ditë më parë janë pastruara deponitë në Muçivërc rruga për Kranidell, Hodonoc, Karaçeva Epërme, Karaçevë e Poshtme ndërsa aksioni është duke vazhduar edhe sot./rajonipress/