Vazhdojnë zgjedhjet nëpër nëndegët e PDK-së në Gjilan

Gjilan – Zgjedhjet nëpër nëndegë kanë vazhduar me një intensitet të shtuar dhe me një konkurrencë vlerash për “Dekadën e Re”, nëpër të gjitha nëndegët e PDK-së në Gjilan.

Të enjtën Kuvendin zgjedhor e ka mbajtur Nëndega 3 (në kuadër të lagjes “Dardania I”), e Partisë Demokratike të Kosovës, Dega në Gjilan. Me këtë rast, delegatët e kësaj nëndege kanë zgjedhur strukturat përfaqësuese të saj: kryetarin, delegatët për kuvendin e degës dhe kryesinë. Me një garë demokratike, korrekte, me shumicë votash, kryetar është zgjedhur, z. Ragmi Zenuni.

Edhe nëndega e Degës së Partisë Demokratike të Kosovës në Bilinicë, sonte ka mbajtur kuvendin e saj zgjedhor, me ç’rast ka zgjedhur kryetarin, delegatët për kuvendin e degës dhe kryesinë. Për kryetar, është zgjedhur unanimisht, piktori Ramadan Arifi thuhet në njoftimin e Komisionit Lokal Zgjedhor të PDK-së dega në Gjilan./rajonipress/