Vazhdojnë punimet në pikën kufitare në Kapi, Matoshi i kënaqur me punimet

Kamenicë – Fatmir Matoshi nënkryetar i komunës së Kamenicës ka inspektuar punimet në pikën kufitar në Kapi. Sipas Matoshit po tejkalohen edhe problemet e fundit që po përballet kjo pikë kufitare.

Fatmir Matoshi ka shkruar se ata që po punojnë dhe projektojnë këtë pikë kufitare janë duke u përballur me sfidat e fundit për kompletimin e Pikës Kufitare në Kapi. “Isha në vizitë kësaj pike së bashku me Komandantin e Policisë në Kamenicë, Kapitenin Nazif Hajrizi. Gjithashtu lajme të mira nga biseda me përfaqësuesin e Qeverisë në këtë projekt zotin Dren Zeka i cili po jep kontribut të veçantë në projektin më të rëndësishëm për Kamenicën gjatë tërë viteve të fundit” ka thënë Matoshi./rajonipress/