“Vatra” bëhet me forum të gruas

Gjilan – Duke parë se interesat e gruas po shkelen, e në veçanti të gruas se dëbuar nga Kosova Lindore, e cila ka mbetur e anashkaluar në proceset zhvillimore, me iniciativën e disa aktivisteve të” vatrës”, lindi ideja e formimit dhe të forumit të gruas pranë Shoqatës “Vatra” tha Saranda Krasniqi.

Duke pasur parasysh interesimin dhe kërkesat e qytetarëve të Gjilanit dhe qytetarëve të ndjekur nga Kosova Lindore, për një organizëm i cili do të shikonte mundësitë e përkrahjes së qytetarëve në forma të ndryshme, vullnetmirë, në vitin 2005 e themeluan shoqatën “Vatra”. Në punën e saj 7 vjeçare, “Vatra”, në mundësitë që i kishte, zhvilloi aktivitete të ndryshme, humanitare, sociale, por edhe politike etj.

Probleme të ndryshme, ende të pazgjidhura me të cilat preokupohen qytetarët e Kosovës e në veçanti banorët e dëbuar nga Kosova Lindore, shtroi nevojën e zgjerimit të aktiviteteve dhe formimin e sektorit të rinisë më 2010 në kuadër të shoqatës “Vatra”.

Kurse tani duke parë se interesat e gruas po shkelen, e në veçanti të gruas se dëbuar nga Kosova Lindore, e cila ka mbetur e anashkaluar në proceset zhvillimore, me iniciativën e disa aktivisteve të” vatrës”, lindi ideja e formimit dhe të forumit të gruas pranë Shoqatës “Vatra”.

Vullneti dhe përkrahja që na ofruan kryetari i “Vatrës” Sejdulla Kadriu dhe anëtarët e dy kryesive, asaj qendrore dhe të rinisë të cilët na dhanë shpresë dhe kuraje që pa hezitim të fillojmë punën me përkushtim ne forumi i gruas i Shoqatës “Vatra”, vendosëm të themelojmë këshillin iniciues për formimin e Forumit të Gruas pranë “Vatrës”.

Qëllimi i formimit të Forumit të Gruas së “Vatrës” sipas Saranda Krasniqit janë fisnike si: humanitare, vetëdijesuese, kërkimi i të drejtave tona etj., qëllime, këto që i ka në statut “Vatra “ dhe për të cilën edhe është themeluar.

“Ne si forum i gruas me këtë ditë do te hapen dyert për të gjitha gratë e Republikës së Kosovës që duan të kontribuojnë në mbrojtën e të drejtave të gruas fillimisht, pastaj aktivitetet humanitare,vetëdijesimit për shoqërinë tonë, si dhe për mbrojtjen e të drejtave kombëtare siç është dhe çështja e pa zgjidhur e Shqiptarëve të mbetur jashtë trojeve etnike të Republikës së Kosovës dhe Shqipërisë” tha Krasniqi.

Këshilli iniciues sipas Krasniqit ka 21 anëtarë të të gjitha lëmive duke filluar nga disa studente bursiste, profesoresha të lëmive të ndryshme, inxhiniere etj./rajonipress/

Shpërndaje.
© RAJONIPRESS