Varrezat në Zhegër në gjendje të mjerueshme

Gjilan – Edhe pse fshati Zhegër ka mbi 900 shtëpi, gjendja në varrezat e fshatit dukej e mjerueshme. Këshilltari komunal nga ky fshat Enver Hajrullahu thotë se nëse komuna nuk i merr përsipër atëherë banorët duhet të vetorganizohen.

Gjendja në varrezat e fshatit Zhegër nga pamja e jashtme dukej e mjerueshme. Nga shkurret e mëdha dhe drunjtë e rritur gati nuk vëreheshin as varret. Por Zhegra nuk e ka vetëm hallin e mirëmbajtjes. Ky fshat që tashmë numëron mbi 900 shtëpi shumë shpejt do të mbetet pa hapësirën e mjaftueshme pasiqë një pjesë afër varrezave tashmë është uzurpuar nga individ të pandërgjegjshëm.

Enver Hajrullahu këshilltar komunal nga ky fshat tha për rajonipress se ndonëse varrezat mirëmbahen vullnetarisht nga banorët, aty gjendja nuk duket e mirë. “Ne do të kërkojmë nga Kuvendi Komunal që të paktën pjesën e mirëmbajtjes ta institucionalizoj , pastaj do të shohim edhe për punën e hapësirës” tha Hajrullahu.

Hajrullahu tha se nëse komuna nuk e përkrah këtë iniciativë atëherë u mbetet banorëve që vetë të vetorganizohen dhe t`i mirëmbajnë varrezat./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).