Van Damme: Romanca me Minogue
RajoniPress
19:14, 14 Gusht, 2012
Aktori i njohur i filmave aksion Jean-Claude Van Damme, ka folur për një histori dashurie të panjohur deri më tani, të vjetër afro 20 vite, me këngëtaren Kylie Minogue.
Kjo kishte ndodhur në vitin 1994, gjatë xhirimeve të filmit ”Street Fighter”, ku aktronte edhe këngëtarja Minogue.
Në një intervistë për “The guardian”, aktori 51 vjeçar fillimisht ishte shtirur se nuk i kujtohet, por pasi ia rikujtuan se ai vetë e kishte përmendur këtë gjë në intervistat e mëhershme, ai është përgjigjur:
“Po, OK. Po, po, po. Ka ndodhur diçka. Isha në Tajlandë dhe në kishim një romancë. Puthje të ëmbla, dashuri të bukur”.
“Do të ishte abnormale sikur të mos kishim një romancë, pasi ajo është shumë e bukur. Qëndronte çdo ditë para meje, me atë buzëqeshjen mahnitëse dhe nuk shtirej sikurse një yll i madh”, ka vazhduar Van Damme.
” E njihja Tajlandën, prandaj ia kam treguar Tajlandën time. Ajo është zonjushë e vërtetë”, ka përfunduar ai.
Në kohën kur është xhiruar filmi, Van Damme ishte i martuar me Darcy LaPier.
