Valltarët e Finlandës japin shfaqje në Kamenicë

Gjilan – Drejtoria për Kulturë, Rini dhe Sport në bashkëpunim me klubin e valltarëve nga Finlanda, dhe të përcjellë nga këngëtarë kanë dhënë një shfaqje artistike për të rinjtë e qytetit.

Shumë të rinj kamenicas kanë pasur rastin që pak orë të argëtohen me performancën e shkëlqyeshme që kanë treguar valltarët e Finlandës të cilët të përcjellur edhe nga valltarët e Kamenicës kanë dhënë një shfaqje të mrekullueshme.

Ky aktivitet kulturor që është organizuar në bashkëpunim me drejtorinë e kulturës është zhvilluar në oborrin e Shtëpisë së Kulturës “ Isa Kastrati”, në Kamenicë.

Ky eveniment kulturor është përcjellur nga një numër i konsiderueshëm i të rinjve Kamenicas./rajonipress/