Gjilan – Fehmi Fetahi, pronar i “Vali Ranch” ka përshëndetur të gjithë mysafirët, duke theksuar se kur të tjerët heshtin ose mund të kenë dilema ne investojmë, përurojmë dhe i shtojmë vlerën e cilësinë kompleksit më të mirë në rajon. Mbrëmja është e juaja sepse “Vali Ranch” gjithmonë kujdeset për klientët e saj tha Fetahi.
Në kuadër të Kompleksit “Vali Ranch” këtë të shtunë është përuruar rinovimi i restorantit “Romantika”, kurse në këtë ceremoni kanë marrë pjesë një numër i madh i mysafirëve.
Fehmi Fetahi ashtu siç është treguar solidar e human gjatë tërë vitit dhe pothuajse gjithmonë në shërbim të Gjilanit kishte ftuar shumë personalitete nga të gjitha shtresat.
Fehmi Fetahi, tha se po mundohen të bëjnë më të mirën për klientët që vijnë nga të gjitha trojet shqiptare.
Kurse, Hysen Sogojeva, kryetar i Odës së Hotelerisë dhe Turizmit të Kosovës, ka thënë se hoteleria dhe turizmi në Kosovë janë një sektor shumë i rëndësishëm, i cili mbledh një numër të madh të punëtorëve dhe që ka një shtrirje të gjerë, andaj kërkohet më shumë përkrahje për këtë sektor, i cili jep një kontribut të çmueshëm në rritën dhe zhvillimin e vendit tonë./rajonipress/
