Valentina Bunjaku bëhet pjesë e kryesisë qendrore në Forumin e Gruas të LDK-së

Gjilan – Valentina Bunjaku Rexhepi e cila është edhe kryetare e degës së LDK-së në Gjilan është zgjedhur në kryesisë qendrore të Forumit të Gruas së LDK-së. Ajo thotë se kjo pozitë i jep edhe më shumë vullnet e motiv që LDK ta dërgojë tutje në sukseset e saja shtet formuese dhe shtet ndërtuese.

Valentina Bunjaku Rexhepi ka arritur të hyjë në kryesinë qendrore të Forumit të Gruas së LDK-së në Prishtinë. Ajo është kryetare e Forumit të Gruas në Gjilan, kryesuese e Kuvendit Komunal dhe ka dhënë një kontribut të madh në fitoren e fundit që arriti LDK-ja në Gjilan.

Madje Valentina Bunjaku konsiderohet edhe si kandidatja më serioze për kryetare të komunës së Gjilanit në zgjedhjet e ardhshme lokale.

Kjo pozitë në kryesinë qendrore të Forumit të Gruas për Bunjakun është edhe një përgjegjësi më shumë, një motiv shtesë për ta avancuar suksesin që po tregon LDK-ja në nivelet lokale e qendrore thotë ajo ./rajonipress/