Vajushi e Gjasula në radarin e Palermos

Armando Vajushi dhe Jurgen Gjasula kanë zgjuar interesimin e skuadrës së Palermos, e cila nga sezoni i ri do të garoj në Serie B.

Lajmi bëhet i ditur nga uebfaqja italiane palermo24.net, në të cilat thuhet se klubi sicilian është i interesuar për dyshen kuqezi.

Vajushi, pas një sezoni të shkëlqyer te skaudra bullgare Litex, është vënë në shitje nga klubi, me qëllim që nga largimi i tij të përfitohet financiarisht. Litex e bleu para një sezoni e gjysmë për 100 mijë euro nga Vllaznia, por tani kërkon minimalisht 500 mijë euro për kartonin e shkodranit.

Kurse, sa i përket Gjasulës, ai është një lojtar i lirë, pasi më 30 qershor i përfundoi kontrata me Duisburgun. Mesfushori tiranas nuk e rinovoi kontratën, kjo edhe për faktin se me drejtuesit e klubit nuk u gjet një e mesme e përbashkët.

Gjasula është edhe në orbitën e skuadër gjermane Eintraht Braunshwaigut, e cila sapo është ngjitur në elitën e futbollit të këtij vendi.

Te Palermo është përmendur kohët e fundit edhe transferimi i Erjon Bogdanit, derisa pjes e kësaj skuadre janë edhe Samir Ujkani e Agon Mehmeti.(express)