USPE shënon 4 vjetorin e themelimit, Xhelili ndihet krenar

Gjilan – Selver Xhelili ish kryetari i Studentëve të UP-së si dhe senator në dy mandatet e kaluara flet për themelimin e Pro Evropianëve si domosdoshmëri e kohës që Anamorava të ketë përfaqësuesit e vet në UP. Vlerësimet Xhelili i jep në katër vjetorin e themelimit të USPE.

Selver Xhelili ndihet krenar që ishte themelues i Unionit të Studentëve Pro Evropian (USPE). Ai tash pas katër vitesh thotë se kjo organizatë studentore ka luajtur rol të madh në mbrojtjen, afirmimin dhe avancimin e vlerave studentore.

Xhelili për rajonipress thotë se ka pasur një synim të qartë për ta themeluar dhe udhëhequr fillimisht USPE. “Kisha një qëllim që ta forcojë pozicionin e studentëve të Anamoravës në Universitetin e Prishtinës. Këtë edhe e kemi arritur sepse tani studentët e Anamoravës janë të përfaqësuar denjësisht dhe janë shtyllë kyçe në zhvillimet e UP-së” thotë Xhelili.

Xhelili tha se USPE kishte një plan program të standardeve evropiane dhe ishte pjesë e shumë ngjarjeve edhe në Bruksel ku edhe ka pasur të drejtë vote. “USPE u themelua më 2 shkurt 2010 dhe unë isha kryetari i parë i saj për të vazhduar pastaj rrugën time Selim Daku. Tani kjo organizatë është një armatë e tërë dhe e madhe ku ka kuadro të dëshmuara në të gjitha nivelet në bahchellor e mastar. USPE ka rregulla e disiplinë dhe në saje të kësaj motoje ne sot jemi një organizatë më prestigjioz enë UP”.

Xhelili thotë se USPE nuk ka keqpërdorur asnjëherë detyrat e saja që kishte.”Ne nuk ishim të ndikuar politikisht sepse ishim të interesuar që të zgjidhim problemet e studentëve dhe jetën e tyre më të mirë. Ne jemi pjesë e Studentëve Evropian me seli në Bruksel dhe kjo flet shumë sepse ata nuk lejojnë që politika të përzihet brenda studentëve” tha Xhelili./rajonipress/