USAID ndërton shtegun e këmbësorëve dhe lidh tregun e gjelbër në Ranillug

Gjilan – Komuna e Ranillugut, në bashkëpunim me projektin USAID/DEMI-it, ka filluar realizimin edhe të një projekti, për banorët e komunës së Ranillugut . Ky projekt i cilësuar si i rëndësishëm përfshinë ndërtimin e shtegut të këmbësorëve dhe rrugën që qon deri tek tregu i gjelbër në Ranillug.

Me ndarjen e një pjese të mjeteve nga ana e komunës, punët e ndërtimit kanë filluar në projektin e shtegut të këmbësorëve në Ranillug dhe janë në fazën fillestare. Lulzim Canaj nënkryetar për komunitete tha se shtegu i këmbësorëve në gjatësi prej 368 metrave do të shtrihet në anën e djathtë përgjatë rrugës kryesore, nga ura deri te kthesa për në shkollën fillore „Veljko Dugošević“.

Sipas tij paralelisht me ndërtimin e shtegut, bëhet edhe ndërtimi i rrugicës së qasjes tek tregu i gjelbër. Projekti dhe vet rrjedha e punëve po përcillet me vëmendje të shtuar nga ana e organit mbikëqyrës dhe drejtorisë së urbanizmit të komunës së Ranillugut.

Nga drejtoria e urbanizmit thanë se ky është një projekt i rëndësishëm të cilin komuna planifikon implementimin tij, dhe se me realizimin e të njëjtit, në një masë të dukshme do të rritet siguria dhe trafiku do të zhvillohet pa pengesa për këmbësorët, deri sa nga ana tjetër fitohet edhe në estetikën e kësaj rruge./rajonipress/