Urologjisë i ‘flenë’ aparaturat e shtrenjta

Ndonëse Qendrës Klinike Universitare të Kosovës i kanë kushtuar rreth 250 mijë euro, dy aparaturat e domosdoshme për Klinikën e Urologjisë janë jashtë funksionit.

Është aparatura e urodinamikës, ajo që përdoret për ekzaminime të zbrazjes së fshikëzës urinare që QKUK e ka blerë rreth 38 mijë euro para një viti për Klinikën e Urologjisë, e që nuk përdoret për pacientët.

Po ashtu, është aparatura tjetër e blerë në vlerë mbi 200 mijë euro, që në gjuhën mjekësore njihet si aparati ESWL, me të cilin do të thyheshin gurët në veshka.

Edhe kjo aparaturë e blerë para një viti, nuk është funksionalizuar. Të dy këto aparatura janë vendosur në një dhomë në hapësirën e sallave operative të Kirurgjisë dhe ato nuk janë në shërbim të pacientëve, e as të stafit…(Tribuna).