Urimi i Sokol Halitit: Pavarësia kërkon angazhim të përditshëm

Viti – Urimi i kryetarit Haliti me rastin e 17 Shkurtit – Ditës së Pavarësisë së Republikës së Kosovës. Në prag të shënimit të 17 Shkurtit – Ditës së Pavarësisë së Republikës së Kosovës, festojmë me krenari 18-vjetorin e shtetësisë së vendit tonë. Kjo ditë na kujton sakrificën, qëndresën dhe besimin e palëkundur për liri – një e drejtë e panegociueshme për popullin tonë.

Me përulësi nderojmë dëshmorët dhe të gjithë ata që kontribuuan në shtet formimin e Kosovës, duke kujtuar figurat udhëheqëse si Ibrahim Rugova dhe Adem Jashari, vepra e të cilëve mbetet udhërrëfyes për të ardhmen tonë.

Mirënjohje të veçantë shprehim për miqtë tanë ndërkombëtarë, veçanërisht Shtetet e Bashkuara të Amerikës dhe vendet e Bashkimit Evropian, për mbështetjen në rrugën tonë drejt lirisë dhe ndërtimit të shtetit.

Pavarësia kërkon angazhim të përditshëm. Si kryetar i komunës, do të vazhdoj të punoj me përkushtim për zhvillimin e Vitisë, me synimin për një të ardhme më të mirë dhe perspektivë të qartë evropiane për qytetarët tanë.

Gëzuar 17 Shkurti – Dita e Pavarësisë së Republikës së Kosovës!