Ministri i Diasporës, Ibrahim Makolli ka uruar mërgimtarët duke thënë se viti 2012 ishte vit i sukseseve të përbashkëta, që mundësuan lidhjen dhe afrimin e mërgatës me vendlindjen.
“Me lejoni t’ju përgëzoj dhe t’ju falënderoj Juve, të dashur bashkatdhetarë, që me punën dhe përkushtimin tuaj na bëni të ndihemi krenarë. Keni qenë dhe mbeteni ambasadorët më të mirë të vendit. Mbetem i përkushtuar dhe jam i bindur që së bashku do t’i realizojmë objektivat tona. Viti 2013 le të sjellë shumë gëzime, shëndet, lumturi dhe suksese për çdonjërin prej jush! Edhe njëherë gëzuar Viti i Ri 2013, mbarësi e suksese në familjet tuaja”, thuhet në urimin e Makollit.
