Universiteti padit studentin pse studion shumë shpejt

Ai i ka marrë 60 provime për 20 muaj me nota të shkëlqyera. Por në vend që të marrë vlerësim dhe nderim, ai merr një padi.

Kështu ka ndodhur me gjermanin Marcel Pohl, 22 vjeç, i cili studioi në shkollën e lartë për ekonomi dhe menaxhim në Essen.

Shkaku i padisë është se ai mbaroi diplomën dhe masterin në 3 semestra, ndërkohë që koha e studimit duhej të ishte 11 semestra.
Tani shkolla i kërkon atij një pjesë të tarifave të shkollimit. Nuk të lënë të ikësh kaq shpejt.

Edhe pse Pohl është eksmatrikuluar zyrtarisht në gusht të vitit të shkuar, shkolla kërkon që ai të paguajë tarifat deri në fund të vitit, rreth 3 mijë euro.